" وذكر فإن الذكرى تنفع المؤمنين " - 55 -
سلسلة " يحبهم ويحبونه " الله "

خواطر فى حب الله - 2 -

الحمد لله رب العالمين .. الذى هدانا لهذا " الخير .. الطريق " ... وما كنا لنهتدى لولا أن هدانا الله .. والصلاة والسلام على سيدنا محمد وسلم تسليما كثيرا

يا رب افتح علينا ... بمعانى ... تزيد في قلوبنا الاحساس بحب الله سبحانه وتعالى ...

سمعت انهرده حد بيقول معنى حلو أوووى ... بيتكلم عن لما بنكون قاعدين مع ناس فى أوضة .. ومثلا بنشتغل فى حاجه معينة .. وفى وسط ما احنا بنشتغل ومنهمكين أووووى ... النور قطع ... أول حاجه بنقول يااااااه .... والدنيا كلها بتقف ... ولا بنعرف نكمل الشغل .. ولا بنبقى شايفين بعض ... وبنفضل قاعدين حالنا كله واقف لحد ما ... لحد ما النور يجى تانى ... وتلاقينا بنقول " هييييييه ... هيييييه ... النور جه " .. والدنيا تبدأ تشتغل تانى ...

ولله المثل الأعلى ... الله ... نور السموات والأرض .... الله أكبر ... حسيت بدفعه نور دخلت قلبى لما سمعت جملة " الله نور السموات والأرض " .. بعد ما سمعت المثال ده ...

متخيلين ... يعنى شوية النور بتاع الدنيا والكهرباء البسيطة دى بتنور المكان حوالبنا وبتخلينا نشوف شغلنا .. والله سبحانه وتعالى نور السموات والأرض ...

نوره .. سبحانه وتعالى ... نور الدنيا كلها ... نور الكون كله ... السموات السبع ومن فيهن .. الأرضين السبع ومن فيهن ... ونور طريقنا ... ونور قلوبنا ... الله ... جميل أووووى إننا نقدر فعلا نستشعر إحساس إن قلبنا هو غرفة مظلمة داخل أجسادنا ... ونور الله سبحانه وتعالى الأقوى من كل نور ... والأعظم من كل نور ... دخل على هذه الدنيا فأنارها ... وبهذا النور .. أصبحنا إحنا كائنات بتشع نور لمن حولها ..

اللى قلبه فعلا اتفتح وامتلأ بنور الله سبحانه وتعالى ... أكيد أكيد هتلاقيه شخص النور ده خارج منه علشان ينور لكل اللى حواليه .... النور هيخرج من قلبه لله حواليه فى صورة حب للناس وحب للخير .. وحب للعطاء وحب للطاعة ... وحب أكبر بكتير ... حب لله سبحانه وتعالى ... علشان تفضل العلاقة متصله بين القلب ده وربنا سبحانه وتعالى ... نور داخل وحب خارج ... وما أجمله من إحساس وما أجملها من حياة ... نسعة جميعا لها ... رزقنا الله جميعا الحياة فى نور الله سبحانه وتعالى ... اللهم اميييين ... وللحديث بقية ..

والسلام عليكم ورحمة الله وبركاته