سيرة الحبيب محمد صلى الله عليه وسلم

اللقاء الثالث

يوم السبت 21/11/2009 .. كان المعاد مع اللقاء الثالث مع أطفال جمعية " صحبة الخير " لاستكمال كورس " سيرة الحبيب محمد صلى الله عليه وسلم " ... اللى بينفذه فريق عمل مشروع " مستقبلنا " ... بجمعية الخير كتير ...

عنوان اليوم امبارح كان .... " العالم قبل مولده الشريف ... صلى الله عليه وسلم " ....

بدء اليوم بتمهيد مع الأطفال لفكرة ... العالم قبل وبعد ... ودا من خلال عرض مجموعة من الصور لشكل مدينة القاهرة عام 1930 والقاهرة دلوقتى ... علشان نطلع الفروق اللى حصلت خلال السنوات اللى فاتت ... وعلشان نقول ان الناس اللى اخترعت الطيارة والعربية والتليفون وغيره .. كان وجودها سبب فى تغيير شكل الحياة فى بلدنا من زمان لحد دلوقتى ... وكذلك كان ميلاد سيدنا محمد سبب فى تغيير فى شكل العالم والحياة على وجه الارض كلها .... فعرضنا للحضارات اللى كان مسيطرة فى الوقت دا .... والظلم الشديد اللى كان واقع على الناس .. وازاى مولد سيدنا محمد وبعثته كانت نور وهداية للعالمين ...

بعد كدا انتقلنا للتعريف بالبطاقة الشخصية لسيدنا محمد .. اسم ونسبه وعائلته ... وكل ما يتعلق بمولده .... وانتهى اليوم برسم " شجرة أسامى رسول الله صلى الله عليه وسلم " البشير - النذير - سيد ولد أدم - نبى التوبة ............ " واللى كل منها بيدل على صفة أو معنى جاء به رسول الله ليكون سبب فى الخير للعالمين ....

عندنا النقطة دى توقفنا فى حلقة الأمس .... ومنها هنكمل المرة الجاية ان شاء الله .... مع البداية الحقيقية لسيرة الحبيب محمد صلى الله عليه وسلم ... عسى الله ان يتقبل منا عملنا ... وان يخرج من بين ايدنا أطفال وجيل جديد يقتدى بالحبيب محمد .... عليه أفضل الصلاة والسلام